Bisan pa man og nagpadayon pa ang pakigbatok sa lokal nga kagamhanan sa COVID 19 infection dinhi ning syudad, apan dakong pasalamat ni Mayor Oscar Moreno ug sa mga personahe sa City Health Office nga malikayan ang pagkuyanap niini sa city jail.
Sa taho ni City Epidemiologist Dr. Todulfo Joselito Retuya, Jr., iyang gibutyag nga mokabat na sa 810 ka mga persons deprived of liberty kon PDLs ang gipailawom sa RT-PCR swab tests sukad kini giandam niadto pang Hunyo ning tuiga.
Sa kasamtangan, anaa lamang sa 178 ang nagpabiling positibo ug 159 na ang recovered, samtang 632 ang nag-negatibo sa swab test.
Ang pagpangandam kabahin na sa interventions nga dili mokuyanap ang pagtakod sa COVID 19 tali mga piniriso pinaagi sa pag-isolate kanila sa bag-ong natibawas nga male dormitory sulod sa Lumbia jail facility.
Kini nga paningkamot gitutokan ni Dr. Teodoro Yu kinsa maoy medical officer in-charge sa city jail. (City Information Office)