Ang buhatan sa PENRO Zambonga del Norte ug CENRO manukan,inubanan sa partisipasyon sa Local Government Units (LGU’s) sa Olinangan,nagkahiusa sa pagpanglimpyo,dungan sa pagsaulog sa Environmental Action for World Oceans and Coral Triangle Days CY 2024 sa kabaybayonan sa tibuok nasod niadtong Hunyo 7,2024, didto sa Olingan, dakbayan sa Dipolog.
145 ka mga partisipante ang nitambong sa hiniusang simultaneous clean-up drive nga gipasiugdahan sa usa ka pasalig sa environmental stewardship diin nagtipik kini sa tema nga “Awaken New Depths” para sa World Oceans Day ug “Balancing Marine Conservation and Blue Economy” para sa Coral Triangle Day, sa pagpanglimpyo sa kasubaan sa Olingan.
Sa maong kalihokan ang mga partisipante nakakolekta ug 36 ka sako sa basura, nga motimbang sa gibana-bana nga 180 kilos nga basura nga gilangkuban sa plastic cups, drinking straws, cellophane, plastic ug glass bottles, diapers, sachets, sako, eco bags, ug panapton. (Medalyn U. Borja)
(Source: DENR Zamboanga Peninsula)