Takda matud pang modawat og tag-P2,000 nga cash assistance gikan sa Office of the President ug sa buhatan ni DSWD Secretary Rex Gatchalian ang 1,315 ka mga Senior High graduates students sa Golden State College ning dakbayan sa GenSan.
Kana ang gisaad ni GenSan City Mayor Lorelie Pacquiao ngadto sa tagdumala sa naasoy nga tulunghaan kagahapong adlawa, Hunyo 20, 2024.
Kini human mitambong sa “7th Senior High School Commencement Exercises” sa Golden State College nga adunay temang “Kabataang Pilipino para sa Matatag na Kinabukasan ng Bagong Pilipinas” kagahapong adlawa sa City Gymnasium sa Brgy. Lagao.
Pero wala pa gikabutyag ni Mayor Pacquiao ang petsa sa paghatag og tag-P2,000 nga cash assistance alang sa mga graduate students sa nasampit nga tulunghaan. (Rem Agdon)