Davao City – Moabot sa kapin 129 reams sa sigarilyo nga gisakay sa usa ka pick-up ang nasakmit sa Sirawan checkpoint sa Toril District, Davao city.
Giila sa kapulisan ang driver sa giingong pick-up nga si Majid Hamjudan Amil, 51 anyos, collector ug residente sa Purok 1, Km. 11, Muslim Village, Sasa, Davao city.
Base sa report sa Toril police station, ang mga sundalo sa TF-Davao ang nakaharang sa driver sa usa ka pick-up kinsa gilayong gireport nila kini sa kapulisan ingon man pagpahibalo sa Bureau of Customs.
Subay nga gihiling sa pwersa sa kasundalohan, BOC personnel nga si Timothy Jasper Nicolas ug PCpl. Sydreck Rillas ang mga karton diin ilahang nasuta ang mga smuggled nga sigarilyo.
Sa karon, gikustodiya na sa kapulisan si Amil samtang gikustpdiya na usab sa Bureau of Customs ang mga sigarilyo.
Kasong paglapas sa Republic Act 10863 kon Customs Modernization and Tariff Act ang atubangon sa suspek. (Camille Santos Naraga)
(News & photo courtesy of Toril Police Station | PIO PRO-XI)