Cagayan de Oro – Mapasalamaton ang 12 ka sexually abused nga menor de edad nga anaa sa usa ka orphanage sa barangay Balulang human nakaangkon og birth certificate gikan sa City Civil Registry, kagahapong adlawa, Pebrero 14, ning suyudad.
Mismo ang mga personahe sa City Civil Registry pinangulohan ni Acting City Civil Registrar Maribel S. Guzman ang mitunol niini.
Ang mga birth certificates usa sa mga gikinahanglan ipresenta sa korte atol sa ilang court hearing.
Ang kalihukan usa ka outreach program sa City Civil Registry, uban sa Philippine Statistics Authority, nunot sa kasaulogan sa 34th Civil Registration Month uban sa temang: “CRVS: The Future of Seamless Services”.
News and photo courtesy of CIO CDO