Davao Del Norte – Mukabat sa 10-million pesos nga Provincial Temporary Treatment and Monitoring Facility (PTTMF) ang pagatukuron sa Carmen Davao del Norte. Kini nagtumong nga malikayan ang subling pagdaghan pag-usab sa kaso sa Covid-19 sa probinsya sa Davao del Norte.
Ang nasangpit nga PTTMF dunay 26-bed capacity nga isolation facility gikan sa Department of Health (DOH), nga gidugangan og counterpart nga mga materyales sa probinsya.
Gipamahayag ni Dr. Ruchille Arrocena, Acting Chief of Hospital sa Davao Del Norte (DDN) Hospital-Carmen Zone, dakong tabang ang pasilidad aron malu-ag na ang mga rekisitos sa hospital ug mas sayon na ang pagpa-admit sa mga pasyente nga walay kalabutan sa Covid.
Dugang ni Dr. Arrocena nga kung malahi na ang mga pasyente sa Covid-19, mas daghan nang mga regular nga pasyente ang ilang matagad sa maong balay tambalanan.
(Source: Davao Del Norte LGU)
