Pagadian City – Wala nakalusot sa PNP/AFP Checkpoint ang tulo ka sakyanan nga nagkarga ug peke nga sigarilyo sa Boyugan West, Kumalarang, Zamboanga del Sur, 2:30 sa kadlawon September 25, 2021.
Ang 3 ka sakyanan nga gikargahan sa kinarton nga smuggled cigarettes mao ang 1.) gray metallic nagdala sa plate numbers JDM 493, gimaniho ni Harsim M. Hanani ug gipanag-iyahan ni Fernando J. Tomaro, 2.) YGR 912 gidala ni Rene J Kuddamon ug ang tag-iya si Rashid Hussain, ug ang ika 3.) ANA 4921 gimaniho ni Leon J. Halilun ug ang tag-iya mao si Akili A. Jalali.
Ang mga nakuha nga sigarilyo;
1.) 70 ka kahon gikan sa Van plate no. JDM 493, 2.) 140 ka sagol-sagol nga kahon gikan sa van plate no. YGR 912, ug 3.) 100 assorted boxes gikan sa van plate no. ANA 4912.
Niabot sa 310 ka kahon sa mga sigarilyo ang naharang ug wala kini mga dokumento ug moabot sa ₱ 3,720,000.00.
Anaa na sa kostudiya sa Kumalarang Police Station ang kinahon nga smuggled cigarettes ug ipailalom pa kini sa inventory nga pagahimoon sa Bureau of Internal Revenue Office, Pagadian City. (RB Jay, photo courtesy of Kumalarang Municipal Police Station)