34.3 C
Manila
Tuesday, April 16, 2024

₱1.2B ‘Mallengke’ Project, Gitawag Nga ‘Binuang’ Ni Gacal

- Advertisement -

Nakaandam matod pang bukiki-on ni General Santos City Councilor Atty. Franklin Gacal ang detalye, taman sa ulahing sentimos kalabot sa proposed ₱ 1,248,815 nga City Central Public Market Program sa city government.

Gitawag nga “binuang” sa konsehal ang maong planong pagtukod og “mallengke”, taliwala sa padayong bahad sa Covid-19 ug sa dalang kapitos sa kinabuhi nunot sa pandemiya.

Una nang gikataho nga maggikan ang pondo sa maong proyekto sa ginaduso karong ₱ 1.9-billion loan deal tali sa Land Bank of the Philippines.

“Yes, siyempre. Himayon gyud nato na. We will see to it na for the best interest of the people of GenSan. Dili kanang, magpasikat ka lang, gusto nimo naa kay air-conditioned nga palengke. Binuang na,” ang tipik sa pamahayag sa konsehal.

Naka-detalye sa maong proyekto ang pagtukod og 3-storey building nga modernong palengke-mall nga adunay mezzanine ug roof deck parking.

Una nang gikataho nga ang pag-develop sa maong 2.2-hectare prime property ang usa sa mga priority projects sa Rivera administration.

Ang kasamtangang central public market sa bahin sa Santiago Boulevard ang natukod niadtung panahon pa ni Mayor Jorge Royeca. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -