- Advertisement -
Nagpulong sina Pangulong Rodrigo Duterte at United States Ambassador to the Philippines Sung Kim sa Malacañang kagabi.
Sa kanyang Twitter post, inilarawan ni Kim ang kanilang pulong ni Pangulong Duterte bilang excellent o napakaganda.
Aniya, kanilang natalakay ang mga usaping may kaugnayan sa defense at economic partnership.
Pagtitiyak pa ni Kim, nananatiling malakas at matibay ang alyansa ng Estados Unidos at Pilipinas.
Ang nabanggit na pulong ay nangyari halos isang buwan matapos batikusin ni Pangulong Duterte ang pagbibigay babala ni US Assistant Secretary of Defense for Asian and Pacific Security Affairs Randall Schriver hinggil sa planong pagbili ng submarine ng Pilipinas sa Russia.
—-
- Advertisement -