“No comment” ang Malakanyang sa panibagong patutsada ni Communist Party of the Philippines Founder Jose Maria Sison laban sa isa sa mga anak ni Pangulong Rodrigo Duterte.
Ayon sa pahayag ni Sison, si dating Davao City Vice Mayor Paolo Duterte ang pinakamalaking protektor ng drug trade sa Pilipinas.
Sinabi ni Presidential Spokesperson Harry Roque, hindi na dapat patulan pa ang mga pinagsasabi ni Sison at itinuturing nila itong “irrelevant” dahil suspendido pa rin ang peacetalks.
Una nang ipinagpaliban ng gobyerno ang peace talks sa Communist Party of the Philippines-New People’s Army-National Democratic Front o CPP-NPA-NDF para mabigyan ito ng karagdagang panahon para konsultahin ang publiko at mga stake holder .
Samantala , tinawag naman ni Paolo Duterte si Sison na isang “pathological liar” tulad ng isang umanong anti-Duterte Senator.