Mga oficiales y personajes del Western Mindanao Command (Westmincom) ya honra con sinco mga nuevo heneral designao na diferente mando bajo el Westmincom.
El “military honors” ya dale con el mga siguiente nuevo heneral: Brig. Gen. Anthon Abrina, comandante del 2nd Mechanized Brigade; Brig. Gen. Taharudin Ampatuan, segundo comandante del 11th Infantry Division; Brig. Gen. Christopher Tampus, comandante del 1103rd Infantry Brigade; Brig. Gen. Elmer Suderio, comandante del 102nd Infantry Brigade; y si Brig. Gen. Andre Santos, comandante del 1st Mechanized Brigade.
Ya rindi canila “full military honors” mga oficiales y personajes cuando ya visita sila na quartel del Westmincom del Domingo aqui na ciudad de Zamboanga.
El sinco nuevo heneral ya rindi tamen visita de cortesia con Tiniente Heneral (Lt. Gen.) Roy Galido, comandante del Westmincom.
Mentrastanto, ya comenda si Galido con el sinco heneral for el de ila buen liderato que ya result ana acomplisimiento del mission del de ila cada’y cual mando. (B. Garcia) (Photo Courtesy of Westmincom PIO)