- Advertisement -
El maga personajes del Police Station 11 ya aresta con un ventero de pescao anoche na Martha drive Barangay Sta.Catalina en este ciudad.
El Police Station 11 ya nombra con el suspechao como si Jabar Akil y Abon,treynta’y nueve anios el edad, kasao,y residente del Martha drive,Barangay Sta.Catalina en este Ciudad.
Asegun con el pulisiya, ya puede confisca na posesyon de Akil tres pakete de suspechao shabu que tiene valor de cuarenta mil, ocho cientos pesos , y tiene pesades de seis gramo y dos pedaso cien peso que ya sirvi como markao sen.
Con Akil ya detene na quartel del Police Station 11 y esperansao planta formal caso contra con ele. (April Boy Regino)
- Advertisement -
