Zamboanga: Un Unexploded ordnance ya encontra na talyer alli na Tumaga

Librao ya puede recubri con un unexploded ordnance na un talyer ayer maga alas dose veinte del tarde alia na Barangay Tumaga, este ciudad.

Visit RPN DXXX Zamboanga

Con el unexploded ordnance ya recubri despues que ya reporta na Tumaga Community Police Assistance Center (COMPAC) si Napoleon Bartolome, el duenio del talyer.

Asegun con Bartolome cay ta aregla ele maga las cosas na de suyu talyer cuando ya descubri le con el unexploded ordnance y enseguidas ya reporta na Tumaga COMPAC.

Enseguidas tamen ya responde maga personajes del Police Station 7 y Regional Explosive and Canine Unit-9 ya ya recubri con el unexploded ordnance.

Asegun con el RECU-9 cay un rifle grenade el unexploded ordnance que ya encontra si Bartolome na de suyu talyer. (Jennyrose Delos Santos)