Alas onse y medya del ayer aga petsa Veinte uno dos mil,Veinte dos,Hasegun tiene un concerne persona ya llama na Police Station tres y reporta na cay tiene victima de ya man Coriente na poste Accidental mente ya cay El poste con ele de.Zamcelco que ya ocuri na Brgy Lamisahan en Este ciudad.
El maga Personajes del Police Station 3 insigidas ya responde na Lugar para sabe el verecidad del reportao incidente.
Police Station 3 ya puede Identifica con El victima como si Jomar Marcos Delos Reyes, sincuenta’y anios El edad kasao y residente del Brgy Victoria en Este Ciudad.
Base na investigation del Police Station 3 ya conduci El victima si marcos caminando na Camino del Brgy. Lamisahan en Este ciudad.
Hasegun con Police Station 3 aquel tiempo ta ase limpiesa El Camino del construction company (HHH) cuando el backhoe del mentionao campanya yan bangga na maga mahogany Palo y accidental Mente ya cay electric wire (mainline) hasta ya resulta ya tumba El poste del Coriente del ZAMCELCO que derecta Mente ya tupa con El victima si Marcos.
Con Marcos ya lleba dayun na Zamboanga Peninsula Medical Hospital para El curada medical,pero ya pronuncia El doctor muerto ya. (Aprilboy Regino)
