Zamboanga: Un pulis tiene orden de aresto ya rindi

Un myembro del pulisiya quein tiene pendiente orden de aresto el voluntaryamente ya rindi ayer na Police Station 11 aqui canaton na ciudad.

Visit RPN DXXX Zamboanga

El Police Station 11 ya nombra con el pulis quien ya rindi como si Patrolman Abdulbaki Ismael, treynta’y cuatro anios el edad y un personaje del pulisiya na municipio de R.T. Lim alla na provincial de Zamboanga Sibugay.

Asegun con el Police Station 11 cay si Ismael ta enfrenta el asunto de violencia contra mujeres y bata y tiene el corespondiente orden de aresto con recomendao piansa de treynta’y seis mil de pesos.

Si Ismael ta esta bajo el custodiya del Police Station 11. (April Boy Regino)