Maga personajes del City Drug Enforcement Unit ta encabesa si PLT Vicente Perez, huntu con El otro pa maga PNP units ya aresta con un treynta’yseis anios de edad persona na un campanya contra droga ilegal aqui na ciudad de Zamboanga.
El City Drug Enforcement Unit ya nombra con el arestao suspechao como si Khalil Kit Abdulbari y Villavera treynta’yseis anyos el edad, residente de Don Baslio Navarro drive,Brgy.San Jose Cawa-Cawa Este ciudad.
con Abdulbari ya aresta medio día del merkules na Cementerio de Baliwasan, Brgy.Baliwasan.
Maga pulis ya recubri na pocecion del suspechao, un medium sized pakete de suspechao shabu que tiene pesades de sinco gramo, valor de treynta’y cuatro mil pesos, Un caha sigarilyo sin laman , Un quinientos markao dinero,siete pedaso de peke un mil de peses sen.
Si Abdulbari baho aura na custodiya del City Drug Enforcement Unit myentras ta prepara el policia con el formal caso contra con ele. (April Boy Regino)
