Ya aresta con el un persona ayer aga, dia de hueves, El maga personajes del Police Station 6 na un campanya contra droga ilegal na Fernando Luciano, Barangay Mampang este ciudad.
El maga personajes del Police Station 6 ya nombra con el suspechao como si Alvin Barahama Yusop alias “Toto”, cuarenta’y tres anios El edad y residente del mentionao Lugar.
Maga pulis ya puede confisca na possecion del tal suspechao, dos pedaso de cien peso como marcao sen y dies sachet que ya contene alegao shabu, tiene pesadez de un gramo y Tiene valor de seis mil ocho sientos de pesos.
El arestao suspechao detenido ahora na Police Station 6 piendiente el plantada de caso contra con ele. Si Barahama ya viola con el R.A. 9165 o el Comprehensive Dangerous Drugs Act of 2002. (April Boy Regino)