Mga personajes del Criminal Investigation and Detection Group (CIDG) ya aresta con un cuarenta’y tres anios mujer na un campanya contra huego ilegal na provincial de Zamboanga Sibugay.
Asegun con Coronel John Francis Encinareal, hefe del CIDG na rehyon, cay con el arestao na campanya numbrao como el Oplan Bolilyo amo si Gemma Bucag.
Asegun con Encinareal cay con Bucag ya aresta del lunes denoche na Purok cuatro, Barangay Concepcion alla na municipio de Alicia, Zamboanga Sibugay.
Si Encinareal ya habla cay ya puede confisca na posesion de Bucag maga recivo y lista de ilegal huego de swertres, tresientos sinco sen de tayada, y otro pa maga cosa ta unsa na huego de swertres.
Con Bucag ya lleba na oficina del CIDG na Zamboanga Sibugay para el documentasion y propio disposicion. (Bong Garcia)