El Police Station 10 ya recivi lamada estaba na un concierne persona quien ya reporta que tiene asigun quema ya occuri Purok 4, Sitio Miluao, Barangay Patalon, en Este Ciudad.
Cuando ya recivi el Police Station 10 con el report, insigidas Estos ya coordina na Labuan Bureau of Fire Sub-station y ya anda mentionao del incidente.
Asegun con el Police Station 10 , ya principya el quema na mismo estructura de Multi-trading Hardware que ta duenya canda Edelyn Buling Adriano y Joevel Rojas Adriano, ambos residente del Purok 4, Sitio Miluao, Barangay Patalon, en Este Ciudad.
Base na Investigation, mismo si Joevel Rojas Adriano el ya puede mira que ta quema el Multi-trading Hardware, ya confirma ele que adentro de edificio ya principya el quema. Ya aparese asigun que faulty electrical wiring el causa de este.
El maga personajes del Bureau of Fire ya declara fire out banda alas sinco y medya del aga ,El cantidad del destroso ya alkansa na valor de quenientos mil de pesos y nohay tambien reportao irido del mentionao incidente.(Aprilboy Regino)