Un chufer el ya sale arestao ayer aga durante el campanya contra droga illegal que ya conduci el Police Station 5 na Zone 9-A Barangay Zambowood, en este ciudad.
El maga personajes del Police Station 5 ya nombra con el suspechao como si Geraldo Raval y Salido (HVI)”alias Dodoy”, casao, curenta’y cuatro anios el edad y residente del.Zone 9-A Barangay Zambowood este Ciudad.
Durante el operacion el maga polisiya ya puede confisca na posecion del suspechao, dos pedaso de quinietos pesos marcao sen y tres pedaso pakete que ta contene alegao shabu con pesadez de setenta gramo, valor de cuatro cientos mil,setenta’y seis de pesos.
Si Raval detenido ahora na kwartel de Police Station 5 y esperansao planta con ele caso por el violacion del R.A. 9165 o el Comprehensive Dangerous Drugs Act of 2002. (April Boy Regino)