35 C
Manila
Sunday, April 14, 2024

Zamboanga: Tres Rebelde NPA ya rindi na Sultan Kudarat

- Advertisement -

Tres rebelde New People’s Army (NPA), incluhido un lider, el ya rindi del Domingo con el tropa de militar allas na provincia del Sultan Kudarat.

Si Tiniente Coronel Allen Van Estrera, comandante del 37th Infantry Battalion, ya nombra con el maga rebelde NPA ya rindi como si alias Marianing, treynta’y siete anios el edad y lider del Platoon Baghdad del East Daguma Front, sub-regional committee Daguma del far South Mindanao Region; alias Joke, veinte sinco anios y un myembro del Platoon Baghdad; y si Alias Leslie, veinte sinco anios el edad, un medic del Platoon Baghdad.

Asegun con Estrera cay el tres rebelde NPA que ya rindi ya entrega dos armas de fuego compuesto de un Armalite y un calibre .45 pistola.

Asegun cay el tres rebelde NPA ya decidi rindi por causa ta pasa ya sila tormento na vida na monte por causa del sin Descanso ofensiva del fuersa military contra canila y por causa tamen del murte del de ila cuantos lider.

El rindida del tres rebelde NPA ya ase posible del esfuerso del 37th, 57th y 73rd Infantry Battalion Army y 12th Regional Mobile Force Company y pulisiya del municipio del Kalamansigm Sultan Kudarat.

El tres rebelde NPA ta esta ahora bajo del dustodiya del 37th Infantry Battalion y ta ase ya el proceso para puede sila recivi beneficio bajo el programa del govierno nombrao como el Enhanced Comprehensive Local Integration Program. (Bong Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -