- Advertisement -
Mga personajes del Police Station 11 ya puede aresta con sinco persona na un campanya contra juego ilegal alli na un pantalan na Barangay Baliwasan, este ciudad.
El Police Station 11 ya conose con el maga arestao como el mga siguentes: Rey Benasa, cuarenta’y sinco anios; Raffy Elizalda, cuarenta; Ricardo Ybañez. sincuenta’y dos; Juvanie Castro, treynta’s dos; y si Arnel Atilano, treynta’y siete anios el edad.
Con el mga arestao personas ya cuji mga pulis ta juga talang, un clase de juego ilegal.
Mga pulis ya puede confisca dos coin de un peso ta usa na juego de talang y apuesta na cantidad de cuatro sientos veinte pesos. (April Boy Regino)
- Advertisement -