Adunay pagsaka sa kaso karon sa pagpanglugos sa probinsiya sa Zamboanga del Norte.
Mao kini ang gipagawas nga datos basi sa crime statistic report sa PNP provincial office gikan sa 2nd quarter ngadto na sa 3rd quarter ning tuiga.
Basi sa talaan, kasagaran sa mga biktima mga menor de edad ug ang mga suspetsado sakop rapod sa pamilya.
Sa kabahin ni P/Col. Rainier Diaz, OIC Provincial Director sa Zamboanga del Norte Police Provincial Office (ZNPPO) bugtong educational program lamang ang ilang mahimo aron sa pagsumpo o kaha maminosan ang pagtala sa maong krimen.
Ilang himoon ang pag-educate sa mga ginikanan aron sa ingon malikayan ang maong linoog nga krimen.
Samtang sa gipagawas  nga operational report sa PNP, pinaagi sa ilang mga police operations, daghan usab ang nadakpan sa anti illegal gambling, kampanya kontra ihalas nga armas, illegal drugs, nadakpan nga mga  Wanted Persons, ug uban pang na sulbad nga mga kriminalidad.
Nanghinaot si P/Col. Diaz nga himoon sa matag usa ang pagtinabangay aron mapabilin ang kahapsay ug kalinaw ning lalawigan sa Zamboanga del Norte.
Source: DIPOLOG BALITA EXPRESS Facebook page