- Advertisement -
Maga personajes del Police Station 5 ya aresta ayer tarde na Barangay Divisoria, este ciudad, con un chufer quien tiene pendiente orden de aresto estaba na jusgado.
El Police Station 5 ya nombra con el arestao persona como si Ramil Magsalay, treynta anios, y residente del Zone 2, Waray Dribe, Divisoria, este ciudad.
Asegun con el pulisiya cay si Magsalay ta enfrenta asunto por violasyon del Republic Act 9262 o el “Anti-Violence against Women and their Children Act of 2004.”
El jusgado ya recomenda el piansa de tres mil pesos para puede le obtene su temporaryo libertad myentras ta ase el vista del su asunto na jusgado. (April Boy Regino)
- Advertisement -
