Maga personajes del Police Station 8 que ta encavesa si Police Major Wilfredo Palamos hijo Jr., ya aresta con un negocianta tiene pendiente asunto na jusgado y orden de aresto alli na sitio Kasalamatan, Barangay Calarian, este ciudad.
Si Palamos ya nombra con el arestao negocianta como si Emilyn Aidal Adjack, cuarenta’y tres anyos de edad y residente de Calarian.
Asegun con Palamos cay si Adjack ta enfrenta el asunto de estafa y tiene el conrespondiente orden de aresto con recomendao pinasa de deci-ocho mil de pesos estaba na corte municipal aqui na ciudad.
El mencionao acusao presentamente ta esta bajo na custodiya del Police Station 8 y esperansao entrega conele na corte municipal del ciudad. (Erica B. Javier)