Ya aresta con un estudiante y ya confisca valor P136,000 suspechao shabu mga pulis na campanya contra droga ilegal na un subdivision na Barangay Divisoria, este ciudad.
El Zamboanga City Police Office (ZCPO) Station 11 ya nombra con el arestao suspechao como si Sammmuel Aaron Escio, 26 años el edad, y graduao “senior high school”.
Asegon con el pulisiya con Escio ya aresta mga alas 6:20 del Lunes denoche na Valle Subdivision, Barangay Divisoria.
El pulisiya ya habla cay ya recurbi na posesion de Escio 20 gramos de suspechao shabu que tiene el valor de P136,000, un caja de cigarillo, y P200 markao sen.
El suspechao bajo ahora na custodiya del ZCPO Station 11 para el propio disposicion. (B. Garcia)