Zamboanga: Policia tiene persona de interes na rebentada de bomba

0
8
(Photo courtesy of Basilan PIO)

El policia tiene ya personas de interes quien responsible na rebentada de bomba del Martes na ciudad del Lamitan, provincia del Basilan.

Un jovencito el ya iri cuando ya rebenta un bomba del Martes denoche na un estacion de gasolina na Barangay Matibay, ciudad de Lamitan.

Asegun con Police Lieutenant Colonel Arlan Delumpines, el jefe del policia na ciudad de Lamitan, con el mga personas de interes ya conoce por medio del video que ya captura na CCTV.

Sin embargo, nohay publica si Delumpines con el mga identificacion del mga personas de interes pendiente de mas del investigacion.

Asegun con Delumpines, extorcion el uno del mga possible motivo del incidente.

El dueño del estacion de gasolina ya informa con el mga investigador cay ya recivi ele carta desde con un desconocido enviador quien ta demanda dinero.

Un jovencito quien tiene el edad de 20 años ya iri cay ta pasa le serca na estacion del gasolina cuando ta rebenta el bomba. (B. Garcia)

Leave a Reply