El mga autoridad ya aresta con un “wanted” persona durante un operacion de aplicacion de ley na costa oeste del ciudad, asegun con el policia local del Jueves.
Asegun con el policia local, con el arestao wanted persona ya conose como si Leah Villacorta, 45 años el edad, y residente de Barangay Sta. Maria, en este ciudad.
Asegun con el policia, con Villacorta ya aresta mga alas 2:30 del Miercoles tarde na Purok 4, Barangay Labuan, na costa oeste del ciudad.
El policia ya habla cay si Villacorta tiene pendiente orden de aresto por el crimen de estafa con recomendao piansa de P16,000 que ya dale el un tribunal del ciudad de Zamboanga del Deciembre 4, 2023.
Con Villacorta ya pone bajo el custodia del Zamboanga City Police Station 10 antes que ay entrega conele na concierne tribunal.
(B. Garcia, photo courtesy of Zamboanga City Police Office)
