Ya conduci el Regional Disaster Risk Reduction and Management Council (RDRRMC) IX el ika-segundo pyes del Oplan Bisita na ciudad de Isabela, Provincia del Basilan.
Con kalor ya recivi si Isabela City CDRRMO OIC Uso Dan Salasim el Oplan Bisita Team donde ya dale este mira el Operations Center que tiene manada CCTV y tan cover el entero perimeter del Ciudad.
Ya hace tambien courtesy visit el mencionao grupo con el Alcalde del Ciudad de Isabela si Sitti Djalia Turabin-Hataman y Congresista Mujiv Hataman.
Ya visita tambien el grupo con el site donde actualmente ta ase levanta el evacuation center del ciudad donde ya uni na inspection team el Department of Association of Barangay Captains, presidente y personahes del govierno lokal del Isabela de Basilan.
Asegun el Oplan Bisita es uno del maga inisyatiba del OCD IX que ta man focus na maga aktibidades aserca el preparasyon del govierno lokal na maga posible banta que ta lleva el mal tiempo na rehiyon y maga esfuerzo aserca el COVID-19. (Erica B. Javier)