El oficina del salud local ya ase un entreno ayer para ensenia con mga siembrador el propio regada del kemikal para destrosa con mga pugaran de lamok ta causa dengue.
El entreno ya ase alli na Barangay Boalan y ya ase na presencia del maga oficiales del mismo bario.
El entreno del mga siembrador ay sirvi parte del intensificao campanya del govierno local contra dengue.
El oficina de salud local ya nota cay ta continua omenta el number del caso del dengue poreso ta ase sila todo’s esfuerso para control con dengue virus.
Desde el mes de enero, el oficina del salud local ya lista el total de dos mil seis sientos veinte ocho caso de dengue.
Myentrastanto, el oficina del salud ta apela con el maga oficiales de diferente barangay para ase sila iniciativo, stratehiya y participa na companya del govierno local contra dengue. (Cristine Falcasantos)