Ya aresta con un obrero el pulisiya na campanya contra droga ilegal na provincia de Zamboanga Sibugay.
Si Police Colonel Eduard Mallo, el director del pulisiya na Zamboanga Sibugay, ya nombra con el arestao obrero como si Jerry Antonio, 24 años el edad y residente de Purok Marang, Barangay Tenan, Ipil.
Asegun con Mallo, con Antonio ya aresta na un “buy-bust operation” mga alas 9:30 del Biyernes denoche na Purok Centro, Barangay Camanga, Titay, Zamboanga Sibugay.
Si Mallo ya habla cay ya puede confisca na posesion de Antonio tres pakete de suspechao shabu con el valor de P4,012, un motorsiclo, P2,000 boodle money, y P500 markao sen.
Ya detene con Antonio en preparacion para el plantada del formal asunto encontra conele. (B. Garcia)