35.7 C
Manila
Saturday, April 20, 2024

Zamboanga: Negociante muerto, guardia irido na incidente de tiroteo

- Advertisement -

Un negociante el ya muri mientras un guardia el ya salva pero irido na un incidente de tiroteo na provincia del Basilan, asegun con el policia del Martes.

El policia ya habla el incidente ya ocuri mga alas 12:15 de este tarde, dia de Martes, na Sitio Singco, Barangay Ubit, ciudad de Lamitan, provincia de Basilan.

Asegun con el policia, con el muerto negociante ya conose como si Marc Jerick Bansalan, 33 años el edad y residente de Sitio Palar, Barangay Tabuk, ciudad de Isabela, provincia del Basilan.

Con el irido guardia ya nombra el policia como si Nelson Rivero, un residente de Kilometro 3, Barangay Binuangan, ciudad del Isabela.

Base na investigacion, el mga victima muntao na un motorsiclo ta viaja para na ciudad del Lamitan estaba na ciudad de Isabela cuando ya tira canila el dos desconosidos armao personas muntao na otoro motorsiclo que ta sigi canila atras.

Si Bansalan ya muri na lugar del incidente mientras si Rivero ya puede escapa y ta esta bajo el curada medical na hospital del Lamitan.

El mga suspechao ya saca el bolsa (bag) de Bansalan que ta contene grande cantidad de dinero y ya corre para na direccion del ciudad de Isabela.

El policia ya recubri 13 capsula de calibre .45 pistola y dos capsula de .9-mm pistola na lugar del crimen.

El policia ta investiga con el incidente para establisa el identificacion del mga suspechao y para el de ila aresto na mas temprano tiempo.

(B. Garcia, photo courtesy of Ronda del Basilan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -