Total de 8,550 centimetros cubico (CC) de sangre el ya colecta durante el actividad de donacion de sangre que ya conduci el Naval Special Operation Unit-6 (NAVSOU-6) na ciudad de Zamboanga.
Asegun con el NAVSOOU-6, el actividad de donacion de sangre es parte del 68 celebracion de aniversario de Naval Special Operations Command (NAVSOCOM).
Asegun con el NAVSOU-6, el actividad ya conduci del Martes na Gimnasio de Tangan del Estacion Naval Romulo Espaldon na Barangay Calarian, ciudad de Zamboanga.
El NAVSOU-6 ya habla, el sangre que ya colecta durante el actividad hay suporta con el banco de sangre local y ayuda con aquellos necesita sangre na region.
El NAVSOU-6 ya rendi gratitud con todo’l patricipantes, donantes, y suportadores del actividad por el de ila generoso contribuciones que ya fortalece el espiritu de unidad y servicio entre el mga personajes militar.
El NAVSOCOM, que ya activa del 1956, hay celebra de ila aka-68 aniversario na Noviembre 5. (B. Garcia)