Un compania de milicianos el bajo ahora na entreno na Zamboanga del Sur con el objetivo fortalece y reforza con el operaciones de defensa teritorial na provincia, asegun con el militar del Miercoles.
Asegun con el 53rd Infantry Battalion (53IB), el objetivo principal del entreno amo para mejora el preparacion del mga personajes miliciano, permitiendo canila para efectivamente suporta na operaciones de defensa teritorial.
Asegun con el 53IB, el One Company of CAA-I Enhancement Training, que ya comenza del Lunes, ta conduci na base de patrulia na Barangay Panubigan, Pitogo, Zamboanga del Sur.
Asegun con el 53IB, el entrenamiento de mejora diseñao para ensenia con el mga personajes miliciano el necesario habilidades y sabiduria para hace de ila deber eficientemente y contribui na mantencion de paz y orden na entero provincia del Zamboanga del Sur.
“El entreno ispecificamente ta concentra para fortalece con el habilidades del mga milicianos para enfrenta potencial amenaso de seguridad na de ila asignado lugar de operaciones,” el 53IB ya habla.
“Como un integral parte de defensa territorial, el mga milicianoes es clave para reforza con el presencia del militar na comunidades local. Ta contribui sila na sacada de inteligencia, suporta na esfuerzos contra insureccion y ayuda mantene seguridad en general para del populacion local,” el 53IB ya omenta.
El 53IB, en asociacion con el 1st Division CAA Affairs Office (1DCAO), ta supervisa con el entreno para asegura cay el mga personajes miliciano es adecuadamente preparao enfrenta amenazo emergentes, colabora con el militar para sostene el seguridad local y realiza el gran objetivos del opraciones de defensa teritorial na Zamboanga del Sur. (B. Garcia)