28.4 C
Manila
Sunday, March 3, 2024

Zamboanga: Gobierno local ta prepara para el conducida del ZPRAA

- Advertisement -

El Alcalde John Dalipe ya promete mobiliza con todo’l recursos del gobierno del ciudad para asegura el buen exito del Zamboanga Peninsula Regional Athletic Association (ZPRAA) meet este año que hay conduci aqui na ciudad.

Total de P27 millon el ya aloca desde’l fondo de educacion especial del ciudad bajo’l presupuesto ejecutivo 2024 para el un semana juegos que ay conduci na mes de Abril na Joaquin Enriquez Memorial Sports Complex in Barangay Baliwasan.

Si Dalipe y el mga representantes del Departamento de Educacion y ZPRAA grupo de trabajo tecnico ya man hunta ya para plaña sobre el conducida de actividades de deportes aqui na ciudad.

Durante el hunta, si Dalipe ha habla cay necesita revitaliza con el competiciones de deportes regional para mejora el ranking nacional del Zamboanga Peninsula, que presentemente alojao na numero 16.

El ZPRAA is un competicion de deportes entre mga estudiantes-deportistas publicos de primaria y secundaria desde’l Zamboanga Peninsula compuesto de ocho divisionses—mga ciudad de Dapitan, Dipolog, Isabela, Pagadian y Zamboanga y mga provincias del Zamboanga Sibugay, Zamboanga del Norte, y Zamboanga del Sur. (B. Garcia, photo courtesy of City Government of Zamboanga)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -