El Oficina del Agricultor del ciudad (OCA), pormedio de Agribusiness Division que ta encavesa si Daniel C. Espiritusanto, ya conduci Farm Gate Price Monitoring na Barrio La paz en este ciudad.
Donde ya encavesa, si Al-Jemier Sulaiman y Daniel Melocotones con el actividad de escuchada (monitoring), que donde sila mismo ya visita con el maga agricultores (farmers) local para haber determina el presente farm gate prices, o aquel precio ta recibi el maga agricultores para na diila maga producto de agricultura.
Ademas el proposito del evento, amo para recoge datos na precio del varios producto de agricultural y sabe si tiene cambio na cantidad que ta recibi el agricultores.
Ahora el maga informacion que ya colecta ay servi un fundamento na tendencia de mercado y evalua el presente situacion del precio de producto agricultural na lugar.
Asegun con el Oficina del Agricultor del ciudad, el regularmente conducida del Farm Gate Price Monitoring, amo para lo mismo ayuda proporciona de confianza informacion na mercado, suporta un mejorao plano na sector de agricultura, y promove el justo oportunidad de venta para con el agricultores local na ciudad de Zamboanga. (Keith Luna)