- Advertisement -
Con un empleyado de govierno que tiene el pendiente orden de aresto ya aresta el pulisiya local del Domingo aga na Barangay Culianan, este ciudad.
Si Major Ramon Bautista, hefe del Police Station 4, ya nombra con el suspechao como si Maria Dorisa Raysol, sincuenta’y cuatro anios el edad y residente de Zone 4, Barangay Culianan.
Si Bautista ya habla cay si Raysol tiene pendiente orden de aresto po el asunto de malversasyon de fondo publico y documentos publico con el piansa de noventa mil y setenta’y dos mil de pesos, respetivamente, estaba na jusgado local.
El acusao bajo ahora na custodiya del Police Station 4, (April Boy Regino)
- Advertisement -