Zamboanga: DSWD, CSWDO ya dale ayuda financial con mga ‘Senior Citizens’

0
3

Ya distribuji ayuda financial con 151 mga residentes de edad bajo el programa del “Senior Citizen – Assistance to Individuals in Crisis Situations” el Department of Social Welfare and Development (DSWD) y govierno local, por medio del City Social Welfare and Development Office (CSWDO) del ayer, dia de Martes.

El suma total del ayuda financial ya alcansa na cantidad de P906,000 cay cada uno del mga beneficiaryo del programa ya recivi P6,000.

Ochenta’y seis del 151 mga beneficiaryo ya recivi el de ila ayuda financial na Ayala Elderly Center myentras el restante 68 na Sta. Barbara Elderly Center.

Hunto con el mga personajes del CSWDO y Oficina del Tesoreriya del Ciudad, perasonalmente el Alcalde John Dalipe ya distribuji con el ayuda financial con mga beneficiaryo.

Asegun con Dalipe cay el distribucion del ayuda financial parte del programa del govierno nacional y local para ayuda con mga “senior citizens” y otro vulnerable populacion. (B. Garcia, photo courtesy of John Dalipe Facebook page)

Leave a Reply