Maga personajes del pulisiya ya aresta seis personas y ya bungca un drug den durante un campanya contra droga ilegal na provincia del Zamboanga Sibugay.
Si Coronel Albert Larubis, Zamboanga Sibugay police director, ya nombra con el seis arestao suspechao como canda Rey Joaquin, Rechie Aseniero, Garfield Ediang, Gracean Atis Jr., Gilbert Ordeniz, y Eric June Ballon.
Asegun con Larubis cay con el seis suspechao ya aresta durante un buy-bust operation del martes madrogada na Barangay Paradise, Diplahan, Zamboanga Sibugay
Si Larubis ya habla cay ya puede confisca na drug den un .9-millimeter pistola con maga bala, treynta mil quinientos pesos cantidad de shabu, un motorsiclo sin plaka, un pesador, y otro maga las cosas para na uso de droga ilegal.
Con el drug den ya bungca durante un buy-bust operation que ya ase el combinao fuersa del pulisiya y militar. (Bong Garcia, Jr.)
