Cuatro personas el ya aresta cuando ya bungca mga autoridad un “drug den” na un campaña contra droga ilegal na provincia de Sulu, asegun con el Philippine Drug Enforcement Agency-Bangsamoro Autonomous Region in Muslim Mindanao (PDEA-BARMM).
Asegun con el PDEA-BARMM con el drug den ya bungca durante un “buy-bust operation” mga alas 3:30 del Miercoles tarde na Barangay Latih, Patikul, Sulu.
El PDEA-BARMM ya nombra con el mga arestao suspechao como el mga siguientes: Al Naber Jadjuli; Utal Abdulla; Apalal Padjiri; y si Rashier Bakil.
Un uban del mga arestao suspechao conosido como si Al Amin Jul-Ambri el ya puede escapa, asegun con el PDEA-BARMM.
Asegun con el PDEA-BARMM ya puede confisca na posesion del mga arestao suspechao 25 gramos de suspechao shabu que tiene el valor de P170,000, markao sen, pusil y mga bala, mga galamiton para na uso de droga y mga tarjetas de indentificacion.
Detenido el mga arestao suspechao en preparacion para el plantada del formal asunto contra canila incluido hasta con el de ila uban quien ya puede escapa. (B. Garcia, photo courtesy of PDEA-BARMM Facebook page)