Dos waned personas kien ta enfrenta asunto na jusgado el ya aresta el pulisiya na dos separao lugar aki na ciudad de Zamboanga.
El pulisiya ya nombra con mga arestao como si Modesto Cahilig Dioso alias Bebot setenta’y uno anios el edad y si Adzhar Jimbol Jaiani, cuarneta’y sinco anios.
Con Dioso ya aresta ayer aga maga alas nueve catorse maga pulis del ciudad y de Sebaste, Antique, alli na BAT compound calle governor Camins, Barangay Sta. Maria.
Asegun con el pulisiya cay si Dioso ta enfrenta el asunto de Frustrated murder y tiene pendiente orden de aresto con el piansa de dos sientos mil de pesos desde’l jusgado del Culasi, Antique.
Myentrastanto, con Jaiani ya aresta maga alas nueve trese del aga ayer alli na Sitio Pitogo, Barangay Sinunuc, este ciudad.
Asegun con el Police Station 8 cay si Jaiani ta enfrenta el asunto de estafa y tiene corespondiente orden de aresto con el piansa de un mil seis sientos pesos. (April Boy Regino)