Banda alas onse cuarentay cinco del aga del ayer dia de domingo el maga personahes de Zamboanga City Police Station 2 que ta encabesa si PMAJ. Alvin T. Cabayacruz ya conduci operasyon contra juego illegal na Sitio Masaba, Barangay Quinput en este ciudad donde ya resulta na aresto di Edwino Dela Merced y Manlangit, 40 anios el edad,biyudo , un kainginero , y residente de Sitio Masaba, Barangay Quiniput y con Almar Manlangit y Bejerano 28 anios el edad, male, soltero y un kainginero, y ambos maga residente de Sitio Masaba Varangay Quiniput en este ciudad.
Ya cuhi con estos na acto que ta juga “Piyat-Piyat”. Ya puwede confisca durante el operasyon un set de baraha y cen de apuesta que tiene balor de ciento treinta pesos. Con el maga arestao persona y maga confiscao items enseguidas ya llyeva na Police Station 2 para na propio desposisyon. (Cristine Falcasantos)