Oficialmente ya principia ya el Departamento de Salud clava “Bivalent coronavirus disease 2019” (Covid-19) bakuna del lunes na Zamboanga City Medical Center.
Asegun con Doctor Joshua Brillantes, el director rehyonal del Departamento de Salud con el Bivalent bakuna ay clava con el mga personajes de salud (health workers) y con aquellos mga de edad (senior citizens).
Asegun con Brillantes ya recivi sila 1,960 “vials” de bakuna desde’l oficina central del Department de Salud para distribuji na mga hospital public aqui na rehyon.
Si Brillantes ya habla cay cada un vial puede clava bakuna con seis personas.
El quien qualificao manda clava Bivalent bakuna amo aquellos completo el bakuna y “booster doses”.
Si Brillantes ya habla cay aquellos quein kiere manda clava Bivalent bakuna puede visita ng mga health centers para mas informacion sobre el mencionao bakuna. (B. Garcia, photo courtesy of Department of Health-9)