Adunay 825 ka delegation officials, Technical Working Groups, Sports Club Facilitators/Trainers, Tournament Directors, Records Representatives, magdudula sa elementarya ug sekondarya sa Zamboanga Del Norte Athletic Delegation ang anaa na karon sa dakbayan sa Pagadian alang na sa 2023 Zamboanga Peninsula Regional Athletic Association Qualifying Meet gi buksan  Abril 23, hangtud na sa Abril 27 niining tuiga.
Kini ipahigayon sa Provincial Government Complex, Dao, Pagadian City, Zamboanga del Sur. Base sa pagpakighinabi ni Mr. Arthuro Lamdag-Education Program Supervisor, In-Charge in MAPEH
Dugang ni Mr Lamdag nga malipayon ug nahinangup ang mga kabataan sa maong kalihukan sa sports sanglit human halos tulo ka tuig gikan sa pandemya, karon pa kini nahibalik.
Sa pagkakaron, ang elementraya anaa temporary nagpuyo sa Camp Abelon Elementary School samtang ang sekondarya anaa usab sa Pagadian Science High School.
Human sa ilang subsob nga training alang ning maong paugnat sa kusog, gilauman nga makakuha sila ug daghanang medalya isip pagpangandam sa Palarong Pambansa nga gikalatid ipahigayon sa Marikina City sa bulan sa Hulyo.
Source:PROVINCIAL INFORMATION CENTER Zanorte facebook page