Asegun con el station commander PS6 Pmaj. Sony Boy Perez, ayer madrogada un concierne persona el ya dale aviso canila cay el deci-siete anios dalagita ya lama con el auntie hablando cay ele talya na Sitio muruk Barangay Pasonanca.
Inseguidas el maga personahes del mentionao estasyon ya responde na area especialmente el WCPD cuando ya llega na mentionao lugar despues ya lleva con este na Police Station 6 para sabe cosa ya pasa con ele.
Mientrastanto na lao del chufer del tricycle ele ya habla ya ma munta asegun na desu tricycle el deci -siete anios dalagita estaba na un mall, cuando ya munta na su tricycle ya habla El disuyu derction na Zamcelco,na birada pa lang ya otravez ya habla con ele para Sta.Maria ya lang.Cuando ya abaha dalagita na tricycle enbes ya paga pasahe de ochenta de pesos ya paga conele siento viento de pesos.
Ademas ta continua pa el Police Station 6 investiga para propio proseso para sabe pa El mas El inpormation del incidente. (Apriboy Regino)