El maga personajes del Police Station 4 ya recivi llyamada estaba na Mindanao Central Sanitarium, Brgy.Pasobolong y ya reporta tiene un persona alegaomente ya comete suidio ayer madrogada.
Police Station 4 . Ya nombra con el victima como si alias ‘Roy’ veinte siete anios, kasao y residente del mentionao lugar.
Base na Investigacion ya conduci el Police Station 4 el victima bien tomao cuando ya bolve na suyu mismo kasa que ya atente este aniversaryo celebracion del un Lending campany onde ele ta trabaha.
El Police Station 4 asegun con el esposa alias carmen veinte uno anios kasao residente mentionao lugar,Banda alas dose enfunto del noche Septiembre deci-nueve dos mil,veinte dos.
Asegun con alias carmen ya puede mira con suyu marido culgao ya el peskusyo usando el bed sheet bitay ya na bean truss na diila kasa.
El esposa ya anda dayun pidi ayuda con su maga vicinos para lleva na Mindanao Central Sanitarium con el victima pero ya declara con este muerto ya asegun con el Attending Physician, Dr. Susan Rose Brigoli el causa del muerte como el diagnosis of Completed Suicide by Mechanical Asphyxiation Secondary to Hanging.
Na follow up investigasyon del Police Station 4 cay el victima tiene grande problema que ta enfrenta aserca na desuyu trabaho problema pinansiyal na cubrada como un collector de un Lending company.
(Aprilboy Regino)