Zamboanga: Coast guard ya salva 14 tripulantes de varco de fesca

0
11

El mga personajes del Philippine Coast Guard (PCG) ya salva con 14 tripulantes del un varco de fesca que ya sumi na mar del ciudad del Dapitan, Zamboanga del Norte, asegun con el PCG del Martes.

El Coast Guard District Southwestern Mindanao (CFDSWM) nohay mas nombra con el 14 salvao fescador puera lang de hablar cay mga tripulantes sila del F/B Nigel 3 Phoenix.

Asegun con el CGDWSM con el 14 tripulantes ya salva del Domingo na tres milia nautical desde’l pantalan del Taguilon na ciudad de Dapitan, provincia del Zamboanga del Norte.

El F/B Nigel 3 Phoenix que tiene 14 tripulantes ya sumi cuando ya dale encuentro con el varco grande marijada.

Asegun con CGDSWM cay todo’l 14 tripulantes na buen salud cuando ya salva canila del mga personajes del Coast Guard base na provincia del Zamboanga del Norte and na ciudad de Dapitan.

(B. Garcia, photo courtesy of Coast Guard District South Western Mindanao)

Leave a Reply