Alas nueve y medya ayer aga, tiene asigun un concierne persona el ya llama na Police Station 8, y ya reporta un incidente de accidente vehicular que ya occuri enfrente na Budgetwise, San Jose Gusu, en Este ciudad.
Incigidas ya responde na lugar del incidente el mga police y ya aparése que envuelto el un The Biel Bus con placa numero JVL 947. Con el chuffed del Mencionao vehiculo ya identifica como si Mark Louie A. Lodevice, kasao, y residente de Brgy Labuan,Este Ciudad. Base investigación, ya man bangga el The Biel
Bus con un Bajaj que nohay placa numero que duenya si Saulin Garcia Hamja. Ya man umit tambien el un motor MC Honda Beat con placa numero 0901-361719 que ta maneha si Sgt. Rowena G. Fargas, PA,cuarenta’y nueve anios, kasao y miembro del Phil. Army, designao na 54th Engineering Brigade, Cabatangan y residente de Brgy Baliwasan Grande, Este Ciudad.
Asigun na report, El Biel bus estaba na coste weste y encamino este para na Centro del pueblo, cuando ya llega na lugar incidente, ya perde asigun el preno del bus y accidentamente ya man bangga con el Bajai donde aquel maga tiempo parquiao solamente na costao del poste de ZAMCELCO y del Honda Beat.
El maga victima ya sustene irida na diferentes parte del diila cuerpo. Ensiguidas canila ya lleba core na Camp Navarro General Hospital, WESMINCOM para na curada Medical. El chufer del bus detenido ahora na quarter Police Station 8. Mientras con el Biel Bus ya lleba na mentionao Station para na propio disposición. (Aprilboy Regino)