El mga autoridad ya aresta un persona de alto valor, o high-value individual (HVI), y ya confisca P20.4 millones valor de droga ilegal na un campaña contra droga na ciudad de Zamboanga, asegun con el policia del Martes.
El policia ya nombra con el arestao HVI como si Nijar Bautista, 24 el edad y residente del Barangay Lower Taway, Ipil, Zamboanga Sibugay.
Asegun con el policia, con Bautista ya aresta na un operacion de compra busto mga alas 12:24 del Martes tarde na Calle del Alcalde Jaldon, Barangay Zone 2, ciudad de Zamboanga.
Asegun con el policia, ya recubri na posesion de Bautista tres kilos de suspechao shabu que tiene el valor de P20,400,000, un bolso de plastico, un balutan de 899 pedaso de paltic P1,000 que ya usa como bobar dinero (boodle money) que ya pone insima un real P1,000 como markao dinero.
Asegun con el policia, con Bautista ya detene na quartel del Zamboanga City Police Office en preparacion para el plantada del asunto contra con ele por violacion del Ley Integral de Drogas Peligrosas de 2002.
El operacion de compra busto contra con Bautista ya conduci el policia con el suporta del Naval Intelligence Security Group-Western Mindanao. (B. Garcia) (Photo Courtesy of Regional Drug Enforcement Agency-9)