Zamboanga: Alas dose trenta’y sinco ayer medio dia petsa otso dos mil veinte dos, asegun tiene un concierne persona ya lama na Police Station onse y ya reporta tiene quema ta ocuri na Robinsons Bank, Mayor Jaldon St., Barangay Zone 2 en este ciudad. Cuando ya recivi el reportao incidente el personajes del Police Stacion ya coordina con el Bureau of Fire Protection (BFP) y mas temprano ya responde y prikura apaga el quema que ta occuri. El Police Station onse ya nombra con el branch manager/operation officer como si Enrico Shia Teo, curenta anios el edad kasao,y residente del.Barangay Sta. Maria, Este Zamboanga. Base na Investigation que ya conduci maga alas dose veinte tres de medio dia, el un Guardia nombrao como si Renato Alcopra para na banyo asegun este cuando ya puede nota tiene umera que ta sale estaba na negro cabinet y ya picura le apasigua por medio de regada de umu. Hasegun el branch manager/operation officer ensigidas ya pidi asistencia con El Bureau of Fire Protection. El Bureau of Fire Protection ya declara fire out maga ala una ocho del tarde y nohay quien ya sale reportao ya iri or ya disgrasya durante del incidente. Nohay pa sabe si cuanto destroso propiedad del incidente y si cosa causa del quema. (Aprilboy Regino) Un persona ya encontra muerto na Golf Village, Barangay Upper Calarian del ayer